Bókari á fjármálasviði

Hrafnista óskar eftir að ráða öflugan aðila í bókhaldi til að ganga til liðs við fjármálasvið félagsins.

Fjármálasvið Hrafnistu sér um bókhald Sjómannadagsráðs og dótturfélaga þess.

Helstu verkefni og ábyrgð

• Skráning reikninga í samþykktarferli
• Bókun fjárhagsbókhalds
• Afstemmingar við birgja
• Afstemmingar á fjárhag
• Uppgjör og skil á virðisaukaskatti
• Önnur tilfallandi verkefni

Menntunar- og hæfniskröfur

• Viðskiptafræði, viðurkenndur bókari eða sambærileg menntun
• Góð færni í tölvuvinnslu, sérstaklega bókhaldskerfum
• Reynsla af bókhaldi, uppgjörsvinnu og VSK
• Kunnátta eða reynsla af Business Central (BC) er kostur
• Áhugi á tækni, sjálfvirknivæðingu og stöðugum umbótum
• Nákvæmni, jákvætt viðmót og gott skipulag

Hrafnista rekur sjö hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar -

Hrafnista er símalaust heimili. Með símalausum heimilum leggjum við áherslu á aukið öryggi og bætta þjónustu við íbúa, aðstandendur og aðra þjónustuþega.

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Frekari upplýsingar veitir Kristján Björgvinsson framkvæmdastjóri fjármálasviðs (kristjan.bjorgvinsson@hrafnista.is).